Azedu.az
https://modern.az/ https://www.instagram.com/apak.az/
2020-02-01 15:52:00
BMU-da gənc müəllimlərin sayı artıb

 

2 fevral - Azərbaycan Gəncləri Günüdür. Bu günün Gənclər Günü kimi elan olunması ümummilli lider Heydər Əliyevin adı ilə bağlıdır. Ulu Öndərin imzaladığı Fərmanla 1997-ci ildən etibarən 2 fevral Azərbaycanda Gənclər Günü kimi qeyd olunur. Əsası ulu öndər Heydər Əliyev tərəfindən qoyulmuş və cənab Prezident İlham Əliyev tərəfindən davam etdirilən dövlət gənclər siyasəti Azərbaycan gəncliyinin gələcək inkişafında dərin izlər buraxıb.

 Bu siyasət çərçivəsində Bakı Mühəndislik Universitetində (BMU) gənclərin vətənpərvərlik ruhunda tərbiyə olunması, yüksək əxlaqi, mənəvi keyfiyyətlərə yiyələnməsi və şəxsiyyət kimi yetişməsi üçün davamlı işlər həyata keçirilir. Eyni zamanda, gənc kadrların irəli çəkilməsi üçün ardıcıl işlər həyata keçirilir.

 Hazırda BMU-da çalışan şəxslərin əksəriyyəti gənclərdir. Belə ki, son illər BMU-da elmi-pedaqoji fəaliyyətlə məşğul olan gənc müəllimlərin sayında əhəmiyyətli dərəcədə artım müşahidə olunub. 2018-ci ilin müvafiq dövrü ilə müqayisədə universitetdə çalışan 40 yaşadək olan müəllimlərin sayı 112-dən 163-ə (45,5 faiz artım) çatıb. Universitetin professor-müəllim heyətinin orta  yaş həddi isə 42-dir.

 BMU tələbə klublarının sayına və tələbə fəaliyyətlərinin müxtəlifliyinə görə ölkəmizin universitetləri arasında ən aparıcı yeri tutur. Universitetdə 50-yə yaxın tələbə klubları fəaliyyət göstərir və onların fəaliyyətinin ictimailəşməsi təmin olunur. Universitetdə, eyni zamanda 4 tələbə təşkilatı Tələbə Həmkarlar İttifaqı Komitəsi, Tələbə Gənclər Təşkilatı, Tələbə Elmi Cəmiyyəti, YAP Gənclər Təşkilatı (YAP GT) fəaliyyət göstərir.