İctimai İaşə və Xidmət üzrə Bakı Dövlət Peşə Təhsil Mərkəzində işəgötürənlərlə əməkdaşlıq çərçivəsində ərzaq və qeyri-ərzaq malları satıcısı, əməliyyatçı mühasib, aşpaz, qənnadıçı-şirniyyatçı qruplarının sonuncu kursda təhsil alan tələbələri üçün “Araz Supermarket” MMC-nin İnsan resursları departamentinin əməkdaşı Vasif Fərəcovla görüş təşkil edilib.

Peşə Təhsil Mərkəzindən AzEdu.az-a bildirilib ki, görüşdə şirkətin fəaliyyət istiqamətləri, mövcud vakansiyalar, təcrübə proqramları və karyera imkanları haqqında ətraflı məlumat verilib.

İşə qəbulla bağlı müraciət edən tələbələrin və məzunların CV-ləri dəyərləndirilmək üçün qəbul edilib və onları maraqlandıran suallar cavablandırılıb.