Azərbaycan Dövlət İqtisad Universitetində (UNEC) “Keyfiyyət ili” çərçivəsində professor-müəllim heyəti üçün “Eviews” ilə zaman sıralarının analizi” mövzusunda təlim proqramı təşkil olunub.

UNEC-dən AzEdu.az-a bildirilib ki, təlim Türk dünyası iqtisad fakultəsinin gənc müəllimi, “DataSoCool” platformasının analitiki Həsrəddin Quliyev tərəfindən keçirilir.

Təlim yanvarın 22-dək davam edəcək.

Qeyd edək ki, “Eviews” iqtisadçılar tərəfindən ən çox istifadə olunan ekonometrik paket proqramlardan biridir. Bu təlimdə makroiqtisadi dəyişikliklər arasında əlaqələr “Eviews” proqramının köməyi ilə ekonometrik modellər qurularaq qiymətləndirilir.