Şamaxıda piyadanın vurulması ilə nəticələnən yol-nəqliyyat hadisəsi baş verib.

AzEdu.az  APA-ya  istinadən  xəbər  verir ki, hadisə bu gün Şamaxı şəhər 5 saylı tam orta məktəbin qarşısında baş verib.

Şamaxı sakini, 2012-ci il təvəllüdlü Hidayətzadə Asya Kamil qızı oxuduğu məktəbdən çıxaraq evə gedərkən yolu keçən zaman "Mercedes" markalı minik avtomobili onu vurub. Hadisə zamanı 2-ci sinif şagirdi ağır kəllə-beyin travması alıb, qolu sınıb. Yaralı Şamaxı Mərkəzi Rayon Xəstəxanasının cərrahiyə şöbəsinə yerləşdirilib.

Faktla bağlı Şamaxı rayon Polis Şöbəsi tərəfindən araşdırma aparılır.