AMEA-nın akademik Həsən Əliyev adına Coğrafiya İnstitutunda 2019-cu il üzrə elmi fəaliyyət iki istiqamətdə aparılıb.
İnstitutdan AzEdu.az-a bildirilib ki, elmi-tədqiqat planına əsasən Azərbaycan təbiətinin inkişaf qanunauyğunluqları, təbii ehtiyatlar və onların ekocoğrafi xüsusiyyətləri tədqiq olunub. İstehsalın, sosial infrastrukturun və əhalinin ərazi təşkilinin iqtisadi–coğrafi və siyasi problemləri araşdırılıb. Həmçinin Xəzər dənizinin ekosistemi kompleks tədqiq olunub.
