XƏBƏRLƏR

17.09.2019 15:40
Buraxılış imtahanları növbəti ildə bu cür keçiriləcək   

“2020-ci ildə keçirilməsi nəzərdə tutulan buraxılış imtahanları IX siniflər üçün iki mərhələdə (Azərbaycan dili, riyaziyyat və xarici dil üzrə), XI siniflər üçün isə bir mərhələdə (Azərbaycan dili, riyaziyyat və xarici dil üzrə) təşkil olunacaq”

Bu sözləri AzEdu.az-a açıqlaması zamanı təhsil üzrə mütəxəssis Elçin Əfəndi deyib. Onun sözlərinə görə, həm IX, həm də XI  siniflər üzrə buraxılış imtahanlarında maksimum toplana biləcək bal 300-dür:

“IX siniflərdə I mərhələdə hər fənn üzrə toplana biləcək maksimal bal 30, ümumilikdə 90, II mərhələdə isə hər fənn üzrə 70, ümumilikdə 210-dur.

Sonda ballar cəmlənir və 300 ballıq şkala üzrə hesablanır.

XI siniflər üzrə isə hər fənn üzrə maksimal 100 bal, ümumilikdə 300 bal toplamaq mümkündür.

Buraxılış imtahanlarının tarixləri ilə bağlı Dövlət İmtahan Mərkəzi tərəfindən 2020-ci ilin başlanğıcında məlumat veriləcək”.

Nəzrin Rüstəmova Müəllifin digər yazıları

İlin gənc müəllimi-Müraciət formu