İtaliyalı alimlər ilk dəfə işıqdan istifadə edərək süpersolid maddə əldə ediblər. Bu kəşf kvant və fotonik texnologiyalarında inqilabi yeniliklərə yol aça bilər.
AzEdu.az xəbər verir ki, süpersolid həm bərk maddələrin kristal quruluşuna, həm də mayelərin axıcılığına malik olan nadir bir maddə formasıdır. İtaliya Milli Tədqiqat Şurasının alimləri əvvəl yalnız atomlarla əldə edilən bu maddəni işıq vasitəsilə yaratmağa nail olublar.
Tədqiqatçılar fotonları yarımkeçirici materialla birləşdirərək "polaritons" adlı kvazi-hissəciklər əldə ediblər. Bu hissəciklər həm kristal quruluş, həm də sürtünməsiz axıcılıq xüsusiyyətləri göstərib.
Mütəxəssislər bu kəşfin işıq yayan cihazlar və yeni kvant texnologiyalarında istifadə edilə biləcəyini bildirirlər. Alimlər bu üsulun balanssız kvant fazalarının öyrənilməsi üçün də yeni imkanlar açdığını vurğulayırlar.
Araşdırma "Nature" jurnalında dərc edilib.
