![](https://azedu.az/uploads/news/2024/06/azedu.az_5084915e801b1d2b5e0ee73b9caff4db_13.jpeg)
11 iyun 2024-cü il tarixində Dövlət İmtahan Mərkəzində keçirilən görüşdə DİM-in Direktorlar Şurasının sədri Məleykə Abbaszadə, müxtəlif ali təhsil müəssisələrinin rektor və nümayəndələri, eləcə də DİM-in müvafiq struktur bölmələrinin əməkdaşları iştirak ediblər.
Bu barədə AzEdu.az-a Dövlət İmtahan Mərkəzindən məlumat verilib.
Mərkəzdən bildirilib ki, iclasda mühasibat uçotu və audit sahəsi üzrə yüksək maliyyə savadlılığına sahib kadrların yetişdirilməsinə dəstək vermək məqsədilə görülən işlər və Dövlət İmtahan Mərkəzi tərəfindən keçirilən peşəkar mühasib sertifikatı imtahanları müzakirə olunub.
DİM-in Direktorlar Şurasının sədri Məleykə Abbaszadə ölkəmizdə aparılan iqtisadi inkişafa yönəlmiş islahatlara töhfə vermək, müasir iqtisadi biliklərə malik kadrların, gənc mühasib və digər peşə sahələri üzrə mütəxəssislərin hazırlanmasının vacibliyini qeyd edib.
Görüşdə universitetlərin tədris proqramlarının PMS imtahanı kvalifikasiyalarına uyğunlaşdırılması, tələbələrin bu imtahanlara universitet dövründə hazırlığının təmin edilməsi, PMS imtahanı proqramına uyğun sınaq imtahanlarının keçirilməsinin əhəmiyyəti vurğulanıb.
İclasda müvafiq tədris proqramlarının uyğunlaşdırılmasının sürətləndirilməsi, ali təhsil müəssisələrinin pedaqoji heyətinin bu imtahanlarda ekspert kimi iştirak etməsi və əməkdaşlığın dərinləşdirilməsi üçün müxtəlif işçi qruplarının yaradılması qərarı verilib.
Qeyd edək ki, iştirakçılar həmçinin yeni istifadəyə verilən DİM-in elektron imtahanlar korpusunun yaratdığı imkanları müzakirə ediblər. Təhsil müəssisələrinin də elektron imtahanların keçirilməsi üçün müvafiq texniki imkanlarından istifadə olunması və yaxın gələcəkdə elektron formada daha kütləvi imtahanların keçirilməsinin əhəmiyyəti qeyd olunub.
kitabı
![Bu il müsahibə mərhələsi yeni qaydalarla həyata keçiriləcək Bu il müsahibə mərhələsi yeni qaydalarla həyata keçiriləcək](https://azedu.az/uploads/news/2024/07/azedu.az_Ekran_goeruntusu_2024-07-19_113921_631.png)
![MİQ imtahanlarının vakansiya seçimində onlara güzəşt olunacaq MİQ imtahanlarının vakansiya seçimində onlara güzəşt olunacaq](https://azedu.az/uploads/news/2024/07/azedu.az_1721642356_1720415859_1720241435_1719386088_1689050098_azedu.az_imtahan_699_164.jpg)
![MİQ-ə yaxşı hazırlaşmayan müəllimlər prosesdən şikayətçidirlər MİQ-ə yaxşı hazırlaşmayan müəllimlər prosesdən şikayətçidirlər](https://azedu.az/uploads/news/2024/07/azedu.az_Yeni_Proje_(2)_529.jpg)
![](https://azedu.az/uploads/news/2024/07/azedu.az_17213778413134733106_1200x630_560.jpg)
![700 balı o TOPLADI 700 balı o TOPLADI](https://azedu.az/uploads/news/2024/07/azedu.az_1721402644_1718172932_azedu.az_whatsapp_image_2024-06-12_at_09.57.55_983_266.jpeg)
![Vunderkind: 700 bal toplayacağıma inanırdım Vunderkind: 700 bal toplayacağıma inanırdım](https://azedu.az/uploads/news/2024/07/azedu.az_IMG-20240719-WA0108_196.jpg)
![Masallıda 94 məzun fərqlənmə attestatı alıb Masallıda 94 məzun fərqlənmə attestatı alıb](https://azedu.az/uploads/news/2024/07/azedu.az_cc54c206c6de4a35b9df65213b798d8718720242017388_635.jpg)
![Peşə təhsili müəssisələrində işə qəbul müsabiqəsinə başlanılır Peşə təhsili müəssisələrində işə qəbul müsabiqəsinə başlanılır](https://azedu.az/uploads/news/2024/07/azedu.az_azedu.az_1690528156_06-01.08.22-01_286_732.jpg)