Dövlət İmtahan Mərkəzi (DİM) ali təhsil müəssisələrinin magistraturalarına qəbul olunmaq üçün keçirilən müsabiqənin nəticələri ilə bağlı bəzi statistik göstəriciləri (əsas yerləşdirmədən sonra) təqdim edib.
AzEdu.az xəbər verir ki, müsabiqənin nəticələrinə əsasən, ixtisaslaşma seçimində iştirak edən 17359 bakalavrdan 13286 nəfəri ali təhsil müəssisələrinin magistraturalarına qəbul olunub. Qəbul olunanlardan 5981 nəfər dövlət sifarişi, 7305 nəfər isə ödənişli əsaslarla təhsil alacaq. Onlardan 9745 nəfər ali təhsil müəssisələrinin cari, 3541 nəfər isə əvvəlki illərin məzunudur.
Müsabiqənin nəticələrinə əsasən, ali təhsil müəssisələrinin magistratura səviyyəsinə ayrılmış 14038 yerin 94.64 %-i dolub. Bu son illər qeydə alınmış ən yüksək göstəricidir. Ötən il müvafiq göstərici 88.63%, 2021-ci ildə isə 92.95% olub.
Magistraturaya qəbul 71 proqram üzrə aparılıb və proqramlar üzrə müsabiqə vəziyyəti müxtəlif olub. Proqramlar üzrə ayrılmış plan yerlərinin dolma göstəriciləri fərqlidir. Misal üçün, neft-qaz mühəndisliyi, gəmiqayırma, istehlak mallarının ekspertizası, fövqəladə hallar, hava nəqliyyatı, pedaqogika, mexanika, biologiya, torpaqşünaslıq və aqrokimya, filologiya, sosiologiya, psixologiya, balıqçılıq, bədən tərbiyəsi, MBA, nəqliyyat servisi, kosmik texnika və texnologiyalar mühəndisliyi, yanğın təhlükəsizliyi, çox işlənən malların texnologiyası və aktyor sənətinə uyğun olan 2, 7, 21, 24, 25, 27, 30, 34, 35, 38, 42, 48, 52, 54, 57, 60, 71, 72, 74 saylı proqramlara ayrılmış plan yerləri tam (100%) dolub. Ancaq nəzərə almaq lazımdır ki, bu proqramların bəziləri üzrə plan yerlərinin sayı az idi və onların tam dolacağı əvvəlcədən gözlənilirdi.
Ən aşağı müsabiqə vəziyyətinin formalaşdığı istilik energetikası, dəmiryol nəqliyyatı, dağ-mədən mühəndisliyi, çoxkanallı radiorele və troposfer rabitəsinin yerüstü aparatlarının hazırlanması və kompozisiya materiallarından müdafiə təyinatlı məmulatların layihələndirilməsi sahələrinə aid 4, 8, 29, 64, 65 saylı proqramlara ayrılmış plan yerlərinin 50%-dən çoxu boş qalmışdır. Bu proqamlar üzrə də plan yerlərinin dolmayacağı məlum idi.
Ümumiyyətlə qəbul proqramlarının bəziləri üzrə qəbul planının bu və ya digər səviyyədə kəsirdə qalacağı əvvəlcədən bəlli idi. Belə ki, imtahan nəticələrinə uyğun olaraq həmin proqramlar üzrə ixtisaslaşma seçiminə buraxılan bakalavrların sayı plan yerlərindən az idi.
Müsabiqənin nəticələrinə əsasən, Azərbaycan Tibb Universiteti, Azərbaycan Dövlət Pedaqoji Universiteti, Azərbaycan Dövlət Dəniz Akademiyası, Bakı Ali Neft Məktəbi, Dövlət Gömrük Komitəsinin Akademiyası, Sumqayıt Dövlət Universiteti, Naxçıvan Müəllimlər İnstitutu, Fövqəladə Hallar Nazirliyinin Akademiyası, Bakı Qızlar Universiteti, Odlar Yurdu Universiteti, Bakı Biznes Universiteti, Naxçıvan Universiteti, Əmək və Sosial Münasibətlər Akademiyasında plan yerləri tam (100%), Azərbaycan Memarlıq və İnşaat Universiteti, Azərbaycan Dövlət İqtisad Universiteti, Azərbaycan Dillər Universiteti, Bakı Mühəndislik Universiteti, Dövlət İdarəçilik Akademiyası, Azərbaycan Turizm və Menecment Universiteti, Azərbaycan Dövlət Bədən Tərbiyəsi və İdman Akademiyası, Milli Aviasiya Akademiyası, Azərbaycan Dövlət Aqrar Universiteti, Gəncə Dövlət Universiteti, Azərbaycan Texnologiya Universiteti, Azərbaycan Kooperasiya Universiteti, Qərbi Kaspi Universitetlərində plan yerləri 95% və daha çox dolub. Plan yerlərinin dolma göstəricisi üzrə ən zəif nəticə Azərbaycan İlahiyyat İnstituna (66.67%) aiddir.
Aşağıdakı cədvəldən hər bir proqram üzrə qəbul planı, qəbul edilənlərin sayı (qəbulolma faizi), vakant yerlərin sayı (faizi) ilə bağlı ətraflı məlumat əldə edə bilərsiniz.
|
| Qəbul | Qəbul edilibdir (o cümlədən, d.s. əsasında) | Qəbulolma faizi | Vakant yerlərin | ||
|
|
| Azərbaycan bölməsi | Rus bölməsi | Bölmələr üzrə cəmi |
| sayı (faizi) |
| Proqram 1 | 142 | 127 (112) | 14 (10) | 141 (122) | 99.30 | 1 (0.70) |
| Proqram 2 | 283 | 240 (197) | 43 (23) | 283 (220) | 100.00 | 0 (0.00) |
| Proqram 3 | 233 | 205 (176) | 21 (16) | 226 (192) | 97.00 | 7 (3.00) |
| Proqram 4 | 71 | 32 (28) | 0 (0) | 32 (28) | 45.07 | 39 (54.93) |
| Proqram 5 | 168 | 104 (97) | 10 (10) | 114 (107) | 67.86 | 54 (32.14) |
| Proqram 6 | 235 | 183 (149) | 18 (17) | 201 (166) | 85.53 | 34 (14.47) |
| Proqram 7 | 29 | 24 (19) | 5 (1) | 29 (20) | 100.00 | 0 (0.00) |
| Proqram 8 | 36 | 15 (12) | 1 (0) | 16 (12) | 44.44 | 20 (55.56) |
| Proqram 9 | 67 | 62 (45) | 0 (0) | 62 (45) | 92.54 | 5 (7.46) |
| Proqram 10 | 125 | 101 (76) | 9 (9) | 110 (85) | 88.00 | 15 (12.00) |
| Proqram 11 | 290 | 239 (201) | 26 (22) | 265 (223) | 91.38 | 25 (8.62) |
| Proqram 12 | 13 | 12 (9) | 0 (0) | 12 (9) | 92.31 | 1 (7.69) |
| Proqram 13 | 233 | 192 (168) | 8 (7) | 200 (175) | 85.84 | 33 (14.16) |
| Proqram 14 | 1164 | 1019 (945) | 122 (115) | 1141 (1060) | 98.02 | 23 (1.98) |
| Proqram 15 | 110 | 86 (67) | 14 (13) | 100 (80) | 90.91 | 10 (9.09) |
| Proqram 16 | 166 | 146 (120) | 8 (6) | 154 (126) | 92.77 | 12 (7.23) |
| Proqram 17 | 49 | 47 (40) | 0 (0) | 47 (40) | 95.92 | 2 (4.08) |
| Proqram 18 | 178 | 158 (149) | 15 (5) | 173 (154) | 97.19 | 5 (2.81) |
| Proqram 19 | 271 | 251 (147) | 16 (7) | 267 (154) | 98.52 | 4 (1.48) |
| Proqram 20 | 89 | 80 (60) | 1 (0) | 81 (60) | 91.01 | 8 (8.99) |
| Proqram 21 | 76 | 71 (45) | 5 (5) | 76 (50) | 100.00 | 0 (0.00) |
| Proqram 22 | 159 | 148 (91) | 10 (4) | 158 (95) | 99.37 | 1 (0.63) |
| Proqram 23 | 108 | 67 (51) | 5 (4) | 72 (55) | 66.67 | 36 (33.33) |
| Proqram 24 | 43 | 43 (30) | 0 (0) | 43 (30) | 100.00 | 0 (0.00) |
| Proqram 25 | 6 | 6 (3) | 0 (0) | 6 (3) | 100.00 | 0 (0.00) |
| Proqram 26 | 2086 | 1819 (820) | 192 (63) | 2011 (883) | 96.40 | 75 (3.60) |
| Proqram 27 | 491 | 477 (187) | 14 (8) | 491 (195) | 100.00 | 0 (0.00) |
| Proqram 28 | 194 | 173 (139) | 12 (10) | 185 (149) | 95.36 | 9 (4.64) |
| Proqram 29 | 30 | 12 (12) | 0 (0) | 12 (12) | 40.00 | 18 (60.00) |
| Proqram 30 | 7 | 5 (5) | 2 (2) | 7 (7) | 100.00 | 0 (0.00) |
| Proqram 31 | 123 | 109 (91) | 9 (6) | 118 (97) | 95.93 | 5 (4.07) |
| Proqram 32 | 140 | 123 (98) | 5 (4) | 128 (102) | 91.43 | 12 (8.57) |
| Proqram 33 | 195 | 160 (126) | 10 (9) | 170 (135) | 87.18 | 25 (12.82) |
| Proqram 34 | 74 | 70 (43) | 4 (2) | 74 (45) | 100.00 | 0 (0.00) |
| Proqram 35 | 137 | 134 (128) | 3 (2) | 137 (130) | 100.00 | 0 (0.00) |
| Proqram 36 | 72 | 69 (64) | 2 (1) | 71 (65) | 98.61 | 1 (1.39) |
| Proqram 37 | 84 | 71 (30) | 3 (3) | 74 (33) | 88.10 | 10 (11.90) |
| Proqram 38 | 263 | 263 (49) | 0 (0) | 263 (49) | 100.00 | 0 (0.00) |
| Proqram 39 | 22 | 2 (0) | 16 (1) | 18 (1) | 81.82 | 4 (18.18) |
| Proqram 40 | 261 | 221 (42) | 9 (2) | 230 (44) | 88.12 | 31 (11.88) |
| Proqram 41 | 54 | 45 (4) | 0 (0) | 45 (4) | 83.33 | 9 (16.67) |
| Proqram 42 | 169 | 162 (71) | 7 (6) | 169 (77) | 100.00 | 0 (0.00) |
| Proqram 43 | 64 | 41 (15) | 2 (0) | 43 (15) | 67.19 | 21 (32.81) |
| Proqram 44 | 45 | 32 (29) | 1 (1) | 33 (30) | 73.33 | 12 (26.67) |
| Proqram 45 | 18 | 15 (4) | 1 (0) | 16 (4) | 88.89 | 2 (11.11) |
| Proqram 46 | 160 | 137 (62) | 12 (3) | 149 (65) | 93.13 | 11 (6.88) |
| Proqram 47 | 271 | 204 (48) | 33 (4) | 237 (52) | 87.45 | 34 (12.55) |
| Proqram 48 | 128 | 120 (36) | 8 (2) | 128 (38) | 100.00 | 0 (0.00) |
| Proqram 49 | 168 | 136 (92) | 20 (8) | 156 (100) | 92.86 | 12 (7.14) |
| Proqram 50 | 51 | 43 (23) | 1 (1) | 44 (24) | 86.27 | 7 (13.73) |
| Proqram 51 | 12 | 8 (8) | 0 (0) | 8 (8) | 66.67 | 4 (33.33) |
| Proqram 52 | 22 | 22 (15) | 0 (0) | 22 (15) | 100.00 | 0 (0.00) |
| Proqram 53 | 122 | 107 (55) | 11 (4) | 118 (59) | 96.72 | 4 (3.28) |
| Proqram 54 | 63 | 60 (22) | 3 (1) | 63 (23) | 100.00 | 0 (0.00) |
| Proqram 55 | 33 | 29 (19) | 2 (1) | 31 (20) | 93.94 | 2 (6.06) |
| Proqram 56 | 3771 | 3459 (0) | 301 (0) | 3760 (0) | 99.71 | 11 (0.29) |
| Proqram 57 | 10 | 10 (5) | 0 (0) | 10 (5) | 100.00 | 0 (0.00) |
| Proqram 58 | 22 | 14 (9) | 7 (4) | 21 (13) | 95.45 | 1 (4.55) |
| Proqram 60 | 8 | 8 (7) | 0 (0) | 8 (7) | 100.00 | 0 (0.00) |
| Proqram 61 | 20 | 10 (10) | 4 (4) | 14 (14) | 70.00 | 6 (30.00) |
| Proqram 62 | 10 | 8 (8) | 0 (0) | 8 (8) | 80.00 | 2 (20.00) |
| Proqram 63 | 10 | 7 (7) | 0 (0) | 7 (7) | 70.00 | 3 (30.00) |
| Proqram 64 | 10 | 3 (3) | 0 (0) | 3 (3) | 30.00 | 7 (70.00) |
| Proqram 65 | 10 | 5 (5) | 0 (0) | 5 (5) | 50.00 | 5 (50.00) |
| Proqram 68 | 108 | 81 (55) | 4 (3) | 85 (58) | 78.70 | 23 (21.30) |
| Proqram 69 | 29 | 20 (14) | 1 (1) | 21 (15) | 72.41 | 8 (27.59) |
| Proqram 70 | 78 | 39 (28) | 3 (3) | 42 (31) | 53.85 | 36 (46.15) |
| Proqram 71 | 5 | 5 (5) | 0 (0) | 5 (5) | 100.00 | 0 (0.00) |
| Proqram 72 | 8 | 8 (5) | 0 (0) | 8 (5) | 100.00 | 0 (0.00) |
| Proqram 74 | 4 | 4 (3) | 0 (0) | 4 (3) | 100.00 | 0 (0.00) |
| Proqram 75 | 32 | 20 (9) | 5 (1) | 25 (10) | 78.13 | 7 (21.88) |
| Cəmi | 14038 | 12228 (5547) | 1058 (434) | 13286 (5981) | 94.64 | 752 (5.36) |
Magistraturaya qəbul olmuş şəxslər 2023-cü il 21 iyul saat 11:00-dan 31 iyul saat 18:00-dək elektron qaydada qeydiyyatdan keçməlidirlər. Bunun üçün, https://portal.edu.az/ platformasında qeydiyyatdan keçmək, yaradılmış kabinetə daxil olduqdan sonra təqdim edilən xidmətlər sırasında “Ali və orta ixtisas təhsili müəssisələrinə təhsilalan qeydiyyatı” xidmətini seçmək lazımdır.
Qeydiyyatdan keçməyən bakalavrlar qəbul olunanların siyahısından xaric ediləcəklər.
Boş qalan plan yerlərinə əlavə yerləşdirmənin vaxtı DİM tərəfindən elan olunacaq.
kitabı
_342.jpg "Sertifikasiya imtahanının vaxtı AÇIQLANDI")
_927.jpg "Bu uşaqlar I sinfə avtomatik qəbul olunacaq")
_325.jpg "Bu ixtisaslar üzrə keçid balları arta bilər - SİYAHI")