Ukraynada təhsil müəssisələrinin fasiləsizliyini təmin etmək üçün distant tədris prosesinin tətbiqi davam edir.
Ümumi orta təhsil müəssisələrilə yanaşı peşə və ali təhsil müəssisələrində də tədrisin məsafədən təşkili təmin edilir.
AzEdu.az xəbər verir ki, Ukrayna Elm və Təhsil Nazirliyinin məlumatına əsasən, 15 rayonun texniki peşə təhsil müəssisəsi tədris prosesinin distant formatını yeniləyib.
8 rayonun peşə təhsili məktəblərində isə proses qismən bərpa olunub. 2 vilayətdə təhsilin davamlılığının təmin edilməsi hələlik mümkün olmayıb.
23 bölgədə tədris prosesinin təşkilini təmin etmək üçün müxtəlif metodlardan istifadə olunur. Həmçinin ölkənin 17 vilayətində yerləşən ali təhsil müəssisələrində də tədris davam edir.
