Ali təhsil müəssisələrinə qəbul olmaq üçün ixtisas seçimi müsabiqəsinin nəticələri elan olunub.
Abituriyentlər (həmçinin subbakalavrlar) müsabiqənin nəticələri haqqında məlumatı mobil operatorlar (Azercell, Bakcell, Nar, Naxtel) vasitəsilə “iş nömrəsi”ni və ya elektron ixtisas seçimi ərizəsindəki “7 rəqəmli kod”u 7727 nömrəsinə göndərməklə öyrənə bilərlər.
Nəticələr yaxın vaxtlarda DİM-in saytında da yerləşdiriləcək.
AzEdu.az DİM-ə istinadən xəbər verir ki,boş qalan yerlərin ixtisas seçimi sentyabrın 6-dan 10-dək aparılacaq. Yerlərin siyahısı seçim başlayana kimi "Abituriyent" jurnalında dərc olunacaq.
