https://www.zirve.edu.az/
11.01.2020 12:35
Abituriyentlərin nəzərinə: Yalnız bu olimpiadaların qalibləri imtahansız qəbul olunacaqlar
Çap et

Nazirlər Kabinetinin 2019-cu il 20 may tarixli 229 nömrəli qərarına uyğun olaraq, beynəlxalq və respublika fənn olimpiadalarının, beynəlxalq müsabiqələrin və yarışların qalibləri ali təhsil müəssisələrinə müsabiqədənkənar qəbul olunurlar.

Beynəlxalq müsabiqə və olimpiada qaliblərinin qəbulu istənilən, respublika fənn olimpiadaları qaliblərinin qəbulu isə uyğun ixtisaslar üzrə aparılır.

Əksər şagirdlərə isə bu zaman hansı beynəlxalq olimpiadaların əsas götürülməsi, nəticələrinin nəzərə alınması ilə bağlıdır.

AzEdu.az müsabiqədənkənar qəbul zamanı nəticələri nəzərə alınan beynəlxalq olimpiadaları təqdim edir:

-Beynəlxalq riyaziyyat olimpiadası (IMO);

-Beynəlxalq Balkan riyaziyyat olimpiadası (yuxarı yaş qrupu) (BMO);

-Avropa qızlar riyaziyyat olimpiadası (EGMO);

-Beynəlxalq fizika olimpiadası (IPHO);

-Avropa fizika olimpiadası (EUPHO);

-Asiya fizika olimpiadası (APHO);

-Beynəlxalq kimya olimpiadası (ICHO);

-Beynəlxalq Mendeleyev kimya olimpiadası;

-Beynəlxalq biologiya olimpiadası (IBO);

-Beynəlxalq informatika olimpiadası (IOI).

Beynəlxalq və ya respublika fənn olimpiadası qalibinin XI sinfi bitirdikdən sonrakı növbəti 2 tədris ili üçün yalnız bir dəfə müsabiqədənkənar qəbul olunmaq hüququ var. Beynəlxalq müsabiqə və ya yarış qalibləri üçün isə bu müddət 5 ildir.

Lamiyə Süleymanlı
Müəllifin digər yazıları