https://www.zirve.edu.az/
17.12.2019 12:14
Pilotsuz uçuş aparatları ilə xəstəlik və zərərvericilərin öyrənilməsinə dair müzakirələr aparılıb

AMEA Yüksək Texnologiyalar Parkında (YT Park) Kənd Təsərrüfatı Nazirliyinin Tərəvəzçilik Elmi-Tədqiqat İnstitutunun (TETİ) nümayəndə heyəti ilə görüş keçirilib.

AzEdu.az xəbər verir ki, görüşdə tərəflər arasında “Pilotsuz uçuş aparatları (dronlar) ilə xəstəlik və zərərvericilərin sahələrdə öyrənilməsi və monitorinqi” layihəsinin icrasına dair müzakirələr aparılıb. 

YT Parkın direktoru Elton Məmmədov ölkədə aqrar sahənin inkişafına göstərilən dövlət qayğısından və bu istiqamətdə həyata keçirilən mühüm layihələrdən danışıb.

O, kənd təsərrüfatında innovasiya sistemləri və yeni texnologiyaların tətbiqinin vacibliyini qeyd edərək birgə fəaliyyətin hər iki qurum üçün faydalı olacağını vurğulayıb.

Daha sonra “Elm və Texnologiya Parkı” MMC-nin direktoru Cavid Şahmuradov pilotsuz uçuş aparatları ilə kənd təsərrüfatı sahəsində həyata keçirilən analitik xidmətlər barədə məlumat verib.

Qonaqlar, həmçinin dronlar və onların istehsal prosesi ilə tanış olublar.