Quba-Xaçmaz regionu üzrə abituriyentlərin ən çox qəbul olunduqları ali təhsil müəssisələri açıqlanıb.
AzEdu.az-ın əldə etdiyi məlumata görə, bu barədə 2025-ci ilə aid tələbə qəbulu və ümumi təhsil müəssisələri üzrə buraxılış imtahanlarının nəticələrinə dair elmi-statistik materialların yer aldığı “Abituriyent” jurnalının 12-ci nömrəsində məlumat verilib.
Xaçmaz rayonu üzrə qəbul imtahanlarının nəticələrinə əsasən, 558 məzun tələbə adını qazanıb. Rayon abituriyentlərinin ən çox qəbul olunduqları ali təhsil müəssisəsi Azərbaycan Dövlət Pedaqoji Universiteti olub.
Quba rayonu üzrə qəbul imtahanlarının nəticələrinə əsasən, 474 məzun tələbə adını qazanıb. Rayon abituriyentlərinin ən çox qəbul olunduqları ali təhsil müəssisəsi Azərbaycan Dövlət Pedaqoji Universiteti olub.
Qusar rayonu üzrə qəbul imtahanlarının nəticələrinə əsasən, 260 məzun tələbə adını qazanıb. Rayon abituriyentlərinin ən çox qəbul olunduqları ali təhsil müəssisələri Bakı Dövlət Universiteti və Azərbaycan Dövlət Pedaqoji Universiteti olub.
Siyəzən rayonu üzrə qəbul imtahanlarının nəticələrinə əsasən, 159 məzun tələbə adını qazanıb. Rayon abituriyentlərinin ən çox qəbul olunduqları ali təhsil müəssisələri Bakı Dövlət Universiteti və Azərbaycan Dövlət İqtisad Universiteti olub.
Şabran rayonu üzrə qəbul imtahanlarının nəticələrinə əsasən, 226 məzun tələbə adını qazanıb. Rayon abituriyentlərinin ən çox qəbul olunduqları ali təhsil müəssisələri Bakı Dövlət Universiteti və Azərbaycan Dövlət Pedaqoji Universiteti olub.
Məlumatlardan görünür ki, Quba-Xaçmaz iqtisadi rayonu üzrə abituriyentlərin ən çox qəbul olunduqları ali təhsil müəssisələri Azərbaycan Dövlət Pedaqoji Universiteti və Bakı Dövlət Universiteti olub. Regionun Xaçmaz və Quba rayonlarında Azərbaycan Dövlət Pedaqoji Universiteti abituriyentlərin əsas seçimi kimi ön plana çıxıb. Qusar və Şabranda Bakı Dövlət Universiteti ilə yanaşı Azərbaycan Dövlət Pedaqoji Universiteti də ən çox seçilən ali məktəblər sırasında yer alıb. Siyəzən rayonunda isə Bakı Dövlət Universiteti ilə yanaşı Azərbaycan Dövlət İqtisad Universiteti abituriyentlərin üstünlük verdiyi ali təhsil müəssisələri arasında olub.
