Elm və Təhsil komitəsinin üzvü Kamilə Əliyeva AzEdu.az-a açıqlamasında bu göstəriciləri əsassız hesab etdiyini vurğulayıb:

 

“Təhsil eksperti Kamran Əsədovun bu məlumatları hardan götürdüyü bəlli deyil və rəqəmlər  qətiyyən inandırıcı görünmür. 

Bu cür yalan məlumatların  mediada yayılması təhsilimizə mənfi təsir göstərir. Buna son qoymaq lazımdır. Vəzifəsindən və kimliyindən  asılı olmayaraq, hər bir şəxs hansısa məsələ haqqında məlumat verirsə, o, öz üzərində məsuliyyət hiss etməlidir. Kimin elə necə gəldi məlumat yayması, cəmiyyətə həqiqəti əks etdirməyən informasiyaların ötürülməsi çox ciddi məsələdir. Bu həm şagirdlərin psixologiyasına, həm də təhsilə mənfi təsir edir. Dəqiq olmayan məlumatlar paylaşan hər kəs məsuliyyətə cəlb olunub cəzalandırılmalıdır”.

 

Qeyd edək ki, məsələ ilə bağlı Milli Məclisin Səhiyyə Komitəsinin sədr müavini Musa Quliyev,  Kamran Əsədovun paylaşdığı rəqəmləri cəfəngiyat adlandırıb.