http://www.position.az/ https://www.zirve.edu.az/
2022-05-24 14:08:00
Şəhadətnamə almaq istəyən namizədlər üçün test imtahanı keçirilir

Mayın 24-də Dövlət İmtahan Mərkəzi (DİM) Ədliyyə Nazirliyi ilə birgə notariat fəaliyyəti ilə məşğul olmaq məqsədilə şəhadətnamə almaq istəyən namizədlər üçün test imtahanı keçirir.

 

Bu barədə AzEdu.az-a DİM-dən məlumat verilib. Bildirilib ki, imtahan saat 11:00-da başlanıb və 3 saat davam edəcək.

 

Test imtahanı elektron qaydada, kompüterlər vasitəsilə DİM-in Bakı şəhəri, Nəsimi rayonu, Ə.Salamzadə, 28 ünvanında yerləşən binasında keçirilir.

 

İmtahanı DİM-in saytında canlı izləmək olar.

 

Namizədlərin sənəd qəbulu Ədliyyə Nazirliyi tərəfindən aparılıb. İmtahanda iştirak etmək üçün 70 nəfər qeydiyyatdan keçib.