UNEC-in tələbəsi Məhsim Bədirxanlının “Gözlə Məni” şeirlər kitabının təqdimatı və imza günü keçirilib.
AzEdu.az xəbər verir ki, Kitab UNEC rəhbərliyinin dəstəyi ilə İqtisad Universitetinin nəşriyyatında dərc olunub.
UNEC-in 2 saylı tədris binasının kitabxanasında təşkil olunan təqdimat və imza günündə UNEC KİM-in direktoru Adilə Abdullayeva, UNEC İnklüziv mərkəzinin koordinatoru Sevinc Məhsimova, müəllim və tələbələr, həmçinin Məhsim Bədirxanlının valideyni də iştirak edib.
Təqdimata gələnlər Məhsim Bədirxanlını təbrik edərək, ona təhsilində və yaradıcılığında uğurlar arzulayıblar.
UNEC-in Qiyabi və əlavə təhsil mərkəzinin 3-cü kursunda təhsil alan Məhsim Bədirxanlı uşaq serebral iflic I dərəcədən əlilliyi olan tələbədir. “Gözlə Məni” şeirlər toplusu uşaqlıqdan şeir yazan Məhsim Bədirxanlının ilk kitabıdır.
