https://www.zirve.edu.az/ #
2021-10-17 13:00:00
Peşə təhsilində edilən son YENİLİKLƏR-ƏSAS MƏQAMLAR

Son günlər “Təhsil haqqında” qanuna müxtəlif dəyişiklər edilib. Bu dəyişiklərin əsas hissəsini isə peşə təhsili ilə bağlı məsələlər əhatə edir.

 

AzEdu.az onları təqdim edir:

 

İlk qərar Azərbaycanda peşə təhsili haqqında dövlət sənədi ilə universitetə daxil olmağın mümkün olacağı ilə bağlı oldu:

 

Yüksək texniki peşə təhsili səviyyəsi üzrə peşə təhsili haqqında dövlət sənədi ali təhsil müəssisəsinə daxil olmaq hüququ yaradır və növbəti təhsil pilləsində ali təhsil almaq üçün əsas sayılacaq.

 

Peşə məktəblərində tədris kredit sistemi ilə təşkil ediləcək:

 

Dəyişikliklə peşə təhsili müəssisələrində yüksək texniki peşə təhsili səviyyəsi üzrə tədris müvafiq icra hakimiyyəti orqanının müəyyən etdiyi orqanın (qurumun) müəyyən etdiyi qaydada kredit sistemi ilə təşkil olunacaq.

 

Peşə təhsilini başa vuran məzunlara müvafiq qaydada təhsil haqqında dövlət sənədi – diplom və ya sertifikat verilir.

 

Peşə məktəblərinin məzunlarının topladıqları kreditlər universitetlərdə nəzərə alınacaq:

 

 

Yüksək texniki peşə təhsili səviyyəsi üzrə ixtisas proqramlarının müvafiq ixtisaslar üzrə ali təhsil proqramlarına uyğunluğu təmin edilir və bu təhsil səviyyəsini müvəffəqiyyətlə başa vuran məzunların – subbakalavrların topladıqları kreditlər bakalavriat səviyyəsinin uyğun ixtisaslarında ali təhsil müəssisələri tərəfindən nəzərə alınacaq.

 

 Yeni peşə təhsili ixtisasları yaradılıb:

 

Nazirlər Kabineti 31 oktyabr 2011-ci il tarixli qərarı ilə təsdiq edilmiş “Peşə təhsili üzrə ixtisasların Təsnifatı”nda dəyişiklik edib.

 

Qərara əsasən, “İqtisadiyyat, xidmət, avtomatika və idarəetmə” peşə istiqamətinin “İnformasiya-kommunikasiya texnologiyası və hesablama texnikasının təmiri və servis xidməti” ixtisas qrupuna “Qrafik dizayner”, “Kompüter şəbəkə inzibatçısı”, “İnformasiya texnologiyaları üzrə texniki dəstək mütəxəssisi” ixtisasları, eləcə də yeni “Kosmetologiya” ixtisas qrupu əlavə edilib.

 

Peşə təhsilli şəxslərə yeni hüquq verilməsini nəzərdə tutan layihə təsdiqlənib:

`

Milli Məclisin plenar iclasında "Peşə təhsili haqqında" qanuna dəyişiklik layihəsi I oxunuşda müzakirəyə çıxarılıb.

 

Dəyişikliklə qanuna yeni bənd əlavə olunur.

 

Yeni bəndə əsasən, yüksək texniki peşə təhsili səviyyəsi üzrə peşə təhsili haqqında dövlət sənədi ali təhsil müəssisəsinə daxil olmaq hüququ yaradır və növbəti təhsil pilləsində ali təhsil almaq üçün əsas sayılacaq.

 

Qanuna dəyişiklik layihəsi müzakirələrdən sonra səsverməyə çıxarılaraq I oxunuşda qəbul edilib.

 

 

 

Şükufə Süleymanlı
Müəllifin digər yazıları