https://www.zirve.edu.az/
07.12.2019 14:27
“Fiziologiya terminləri lüğəti” nəşrə hazırlanıb

Azərbaycan Milli Elmlər Akademiyasının (AMEA) Biologiya və Tibb Elmləri Bölməsinin növbəti büro iclası keçirilib.

Bölmənin akademik-katibi, akademik Əhliman Əmiraslanov gündəlikdəki məsələlər barədə məlumat verib.

Sonra Fiziologiya İnstitutunun alimləri tərəfindən hazırlanan “Fiziologiya terminləri lüğəti”nin (rus, ingilis, Azərbaycan dillərində) nəşri ilə bağlı müzakirələr aparılıb. Qeyd edilib ki, lüğət institutun direktoru, biologiya üzrə elmlər doktoru, professor Ulduz Həşimovanın rəhbərliyi ilə hazırlanıb, Nazirlər Kabineti yanında Terminalogiya Komissiyası və mütəxəssislər tərəfindən rəylər verilib.

Daha sonra lüğətin çap olunması haqqında müvafiq qərar qəbul edilib.

Bundan əlavə, bölmənin 2019-cu il üzrə elmi və elmi-təşkilati hesabatlarının, ən mühüm tədqiqat nəticələrinin hazırlanması məsələsi müzakirə olunub və müvafiq tapşırıqlar verilib.

Sonda bir sıra kadr məsələlərinə baxılıb. 

İclasda Zoologiya İnstitutunun direktoru, fizika üzrə fəlsəfə doktoru Elman Yusifova 60,  Botanika İnstitutunun aparıcı elmi işçisi, biologiya üzrə fəlsəfə doktoru Oqtay Mirzəyevə isə 80 illik yubileyləri münasibətilə bölmənin fəxri fərmanları təqdim edilib.