Finlandiyanın Oulu Universiteti 6G texnologiyası üzərində işlərə başlayıb.

AzEDU.az Azərtac-a istinadən xəbər verir ki, universitet rəhbərliyi altıncı nəsil şəbəkəsindən istifadə perspektivlərinin öyrənilməsi üçün nəzərdə tutulmuş “6Genesis” tədqiqat proqramının maliyyələşdirilməsini elan edib.

Tədqiqatın rəhbəri bildirib ki, 2030-cu ilədək 6G texnologiyasının istifadəyə verilməsi gözlənilir. Mütəxəssislərin fikrincə, 2030-cu ilədək bizi əlavə reallıq və süni intellekt texnologiyaları əhatə edəcək. İnterfeys smartfonlarda deyil, birbaşa əlimizdə holoqram şəklində əks olunacaq. İstifadəçinin sağlamlığının izlənilməsinə daha çox diqqət yetiriləcək. Qabaqcıl texnologiyaların köməyi ilə sakinlərin rahatlığı və təhlükəsizliyi təmin ediləcək.