https://www.zirve.edu.az/
01.02.2019 14:57
40 yerlik yeni uşaq bağçası tikilir

Xaçmaz rayonunun Xudat şəhərində 40 yerlik yeni uşaq bağçası tikilir.

AzEdu.az AZƏRTAC-a istinadən xəbər verir ki, bu ilin dekabr ayından tikintisinə başlanılan birmərtəbəli bağçanın ümumi sahəsi 1600 kvadratmetrdir.

Xudat bələdiyyəsinin sədri Elman Allahyarov bildirib ki, uşaq bağçası balacaların rahatlığını, istirahətini və ilkin biliklərə yiyələnmələrini təmin etmək üçün lazımi inventarla təchiz olunacaq. Burada müxtəlif yaş qrupları üçün məşğələ və yataq otaqları, yeməkxana, həyətdə isə istirahət guşələri yaradılacaq.

Hazırda binanın dam örtüyü tikilir. Bağçanın bu ilin may ayında istifadəyə verilməsi nəzərdə tutulub.

Xudat şəhərində 9 uşaq bağçası fəaliyyət göstərir.