Almaniyada pitbull cinsli itin hücumuna məruz qalan 4 yaşlı qız uşağı həyatını itirib.
AzEdu.az-ın xarici mediadan əldə etdiyi məlumata görə, ailəyə məxsus pitbull evdə 4 yaşlı qıza hücum edib və uşağa ağır xəsarətlər yetirib.
Polisin açıqlamasına əsasən, tibbi yardım göstərilməsinə baxmayaraq, uşağın həyatını xilas etmək mümkün olmayıb.
Araşdırma zamanı itin uşağın anasına məxsus olduğu və ailə ilə eyni evdə yaşadığı müəyyən edilib. Hadisədən sonra polis iti götürərək heyvan sığınacağına təhvil verib.
Faktla bağlı araşdırma başladılıb. Hadisənin bütün detalları araşdırılır.
