Türkiyənin Adıyaman vilayətində daşqınlardan mühafizə məqsədilə yaradılmış süni göldə iki uşaq boğularaq həyatını itirib.
AzEdu.az Türkiyə mediasına istinadən xəbər verir ki, ailələri ilə birlikdə əraziyə gələn 13 yaşlı Talal Al-Sincar və dostu Abdullah Al-Sacer sərinləmək üçün suya giriblər.
Bir müddət sonra uşaqların sudan çıxmadığını görən sakinlər xilasedicilərə məlumat veriblər.
Hadisə yerinə gələn xilasedicilər təxminən 4 metr dərinlikdə, palçığa batmış vəziyyətdə olan iki uşağın meyitini aşkar ediblər.
