Azərbaycanda ali təhsil sisteminin beynəlmiləlləşməsi istiqamətində atılan addımlar özünü kadr potensialında da göstərməkdədir. Xarici ölkələrdən cəlb olunan mütəxəssislər tədris prosesinə yeni yanaşmalar, qabaqcıl təcrübələr və müxtəlif akademik ənənələr gətirərək təhsilin keyfiyyətinin yüksəldilməsinə töhfə verirlər.
Maraqlıdır, ali təhsil müəssisələrində fəaliyyət göstərən əcnəbi müəllimlərin sayı neçə nəfərdir?
Mövzu ilə bağlı AzEdu.az Təhsil Portalı Dövlət Statistika Komitəsinə sorğu ünvanlayıb.
Dövlət Statistika Komitəsindən bildirilib ki, 2025/2026-cı tədris ilinin əvvəlinə ölkədə fəaliyyət göstərən ali təhsil müəssisələrində çalışan professor-müəllim heyətindən əcnəbi və vətəndaşlığı olmayan mütəxəssislərin sayı 95 nəfər təşkil edib.
