XƏBƏRLƏR

17.07.2019 15:22
Direktorluğa namizədlərdən tələb olunacaq sənədlər – Vacib prosedur və bilgilər  

Dövlət ümumi təhsil müəssisələrinə direktor vəzifəsinə işə qəbul üzrə müsabiqə artıq başlanıb. Proses iyulun 19-dək davam edəcək.

Müsabiqə dörd mərhələdən (elektron ərizələrin qəbulu, test imtahanı, müsahibə və vakant yerlərə yerləşdirilmə) ibarətdir.

Direktorların işə qəbulu üçün 500-ə yaxın vakant yer çıxarılıb.

Namizədləri maraqlandıran əsas məqamlardan biri də müsahibə mərhələsi üçün hansı sənədlərin tələb olunmasıdır.

Sual:  

Müsahibə mərhələsində iştirak edəcək namizədlərdən hansı sənədlər tələb olunur?

AzEdu.az xəbər verir ki, müsahibəyə çağırılacaq namizədlər tələb olunan tarixdə aşağıdakı sənədləri müsahibə komissiyasına təqdim etməlidirlər:

-Şəxsi işlərini;

-Elektron ərizənin surəti;

-Diplom və ona əlavə;

-Xaricdə təhsil alanlar diplomla yanaşı təhsil sənədlərinin tanınmasına dair şəhadətnamə;

-Şəxsiyyət vəsiqəsi;

-Sağlamlıq haqqında arayış;

-Əmək kitabçası;

-Eektron ərizədə göstərilən məlumatları təsdiq edən digər sənədlərin əsli və ya notarial qaydada təsdiq olunmuş surəti.

Qeyd edək ki, müsabiqədə pedaqoji və ya idarəetmə ixtisas sahələri üzrə ali təhsilli, 5 ildən az olmayaraq (təhsilin təşkili və idarə olunması ixtisası üzrə elmi dərəcəsi və elmi adı olduqda 3 il) pedaqoji stajı olan və hazırda ümumi təhsil müəssisələrində pedaqoji fəaliyyətlə məşğul olan şəxslər iştirak edə bilərlər.

Lamiyə Süleymanlı Müəllifin digər yazıları

İlin gənc müəllimi-Müraciət formu