“Azərbaycanda müəyyən universitet məzunlarının Türkiyə Cümhuriyyəti tərəfindən magistraturaya qəbuluna qadağa qoyulması hələ dəqiqləşməmiş informasiyadır”.
Azedu.az xəbər verir ki, bu sözləri Təhsil Nazirliyinin mətbuat nümayəndələri üçün keçirilən bugünkü təlimində Beynəlxalq əməkdaşlıq şöbəsinin müdiri Nicat Məmmədli deyib.
Onun sözlərinə görə, bu barədə Türkiyə tərəfindən heç bir rəsmi məlumat daxil olmayıb.
Qeyd edək ki, sosial şəbəkələrdə bir sıra Azərbaycan universitetlərinin ( Bakı Mühəndislik Universiteti, Gəncə Texnologiya Universiteti və Odlar Yurdu Universiteti) məzunlarının Türkiyədə ali təhsilin növbəti dərəcələri üzrəoxumalarınınqadağan edilməsi barədə xəbərlər paylaşılır.
