XƏBƏRLƏR

23.05.2019 21:35
Məktəblər arasında respublika çempionatı başladı

Bu gün məktəblər arasında respublika çempionatının proqramına uyğun olaraq, şahmat idman növü üzrə yarışların final mərhələsinə start verilib.

Təhsil Nazirliyindən AzEdu.az-a verilən məlumata görə, beş gün davam edəcək oyunlarda zona yarışlarında I və II yeri tutan komandalar mübarizə aparır.

 

“Təhsil” Respublika İdman Mərkəzinin “Zuğulba” Tədris İdman Bazasında keçiriləcək yarışların açılış mərasimində tərəfdaş qurumların, idman ictimayyətinin nümayəndələri iştirak edib.

 

Qeyd edək ki, məktəblər arasında respublika çempionatı Təhsil, Gənclər və İdman Nazirlikləri, Milli Olimpiya Komitəsi, Azərbaycan Məktəb İdmanları Federasiyası tərəfindən imzalanmış birgə əmrə əsasən keçirilir.

 

2018-2019-cu tədris ili ərzində keçirilən çempionatda Təhsil Nazirliyinin tabeliyində fəaliyyət göstərən rayon və şəhər ümumtəhsil müəssisələrinin komandaları şahmat (2-4-cü siniflər), atletika (5-7-ci siniflər), voleybol (qızlar, 7-9-ci siniflər), basketbol (oğlanlar, 9-11-ci siniflər) idman növləri üzrə mübarizəyə qatılıb.

İlin gənc müəllimi-Müraciət formu