Elm və Təhsil Nazirliyinin Kataliz və Qeyri-üzvi Kimya İnstitutunda yeni elmi araşdırmalar aparılır.

İnstitutdan AzEdu.az-a bildirilib ki, bu il 3 problem üzrə aparılan elmi-tədqiqat işləri nəticəsində 11 mühüm elmi nəticə əldə edilib, 3 tətbiqi iş təklif olunub. Əməkdaşların 90 məqaləsi “Web of Science” və “Scopus” bazalarında indekslənən jurnallarda yer alıb, 4 patent alınıb.

İnstitutda beynəlxalq qrant çərçivəsində tədqiqatlar davam etdirilib, 4 layihə qrant müsabiqəsinin qalibi olub. Eyni zamanda, 2 monoqrafiya (1-i xaricdə), 2 dərslik nəşr etdirilib. Tədqiqatların nəticəsi olaraq 5 kitab, 141 məqalə çap olunub, əməkdaşlarının elmi əsərlərinə 1840-dan çox istinad edilib.