"Jomard Publishing" nəşriyyatına daxil olan "Advanced Physical Research" jurnalı SCOPUS bazası tərəfindən indekslənmək üçün qəbul edilərək ekspert tərəfindən tərtib edilmiş abstrakt və sitat bazasında - "SiteScore" indeksi üzrə 2.4 əmsalla Q3 reytinqinə daxil edilib.

AzEdu.az xəbər verir ki, bu barədə fizika elmləri doktoru Yusif Aliyev öz feysbuk profilində məlumat verib. O qeyd edib:

 

"Beləliklə "Advanced Physical Research" jurnalı SCOPUSda özünə aid profilə sahib olaraq ilk dəfə SiteScore indeksi aldı. Bu, WoS bazasıdakı impakt faktora bərabər bir reytinqdir. Əslində bu əmsal çox yüksək göstəricidir. Bəzi jurnallar bu əmsalla Q2, hətta Q1 reytinqinə daxil olur. Lakin mənim də redaksiya heyətində olduğum "Advanced Physical Research" jurnalı həmin bazaya ilk dəfə düşdüyü üçün, jurnalımıza Q3 reytinqi verilib. Güman edirəm ki, ilin sonuna kimi ən azı Q2 reyrinqinə kimi qalxmağa nail olacağıq.

Qeyd edim ki, bu məlumat 2019-cu ildə yaradılmış "Advanced Physical Research" jurnalı üçün çox yaxşı xəbərdir.

 

( http://jomardpublishing.com/journals.aspx?lang=en&id=13&info=Advanced%20Physical%20Research )

 

Bir daha inanırıq ki, SCOPUSda indeksləşdirmə müəlliflərimizin coğrafiyasını əhəmiyyətli dərəcədə genişləndirəcək ki, bu da jurnalın elmi səviyyəsinin yüksəlməsinə səbəb olacaq. Gələcəkdə daha nüfuzlu indekslənmələrdə reytinqlər qazanaraq Azərbaycanı dünya elmində layiqincə təmsil edəcəyik.

Bu münasibətlə Azərbaycan fiziklərini, "Jomard Publishing" ailəsini, jurnalın redaksiya heyətini və müəllifləri ürəkdən təbrik edirəm".