Avstriya Elmlər Akademiyasının tarixçiləri ultrabənövşəyi şüalardan istifadə edərək 1500 il bundan əvvəl İncilin başqa bir mətninin bölmələri altında gizlədilən, əvvəllər məlum olmayan fəslini tapıblar.
AzEdu.az xəbər verir ki, araşdırmaların nəticələri "New Testament Studies" jurnalında dərc olunub.
Tədqiqatçılar İncilin 1500 il əvvəl yazılmış ilk əlyazmalarından birini tədqiq ediblər. Kitab Vatikan Kitabxanasında saxlanılır. Bu, Əhdi-Cədidin ilk kitabı və dörd kanonik İncildən birincisidir.
Yeni tapılan mətn 12-ci fəslin ilk variantıdır. Müəlliflərin fikrincə, bu kəşf Müqəddəs Kitabın mətninin təkamülünün ən erkən mərhələlərini başa düşmək üçün yeni imkanlar açır və Müqəddəs Yazıların müasir tərcümələrindəki bəzi fərqləri nümayiş etdirir.
Məsələn, Matfeyin kitabının orijinal yunan versiyasının 12-ci fəsilində deyilir: “O vaxt İsa şənbə günü əkin sahəsindən keçirdi. Şagirdləri ac olduqlarına görə, sünbülləri yolub yeməyə başladılar”.
Ancaq bu yaxınlarda aşkar edilmiş suryani dilinə tərcümədə olan mətn bir qədər fərqlidir: “Onlar qarğıdalı sünbüllərini yığaraq əllərində əzməyə və yeməyə başladılar”.
