Kolleclərə qəbul olunan oğlanlara ali məktəblərin bakalavr səviyyəsindəki kimi təhsil almaları üçün hərbi xidmətdən möhlət hüququnun verilməsi təklifi səsləndirilib.

AzEdu.az xəbər verir ki, bu təkliflə təhsil eksperti Adil Vəliyev çıxış edib.

“Kolleclərə  qəbul olunan oğlanlara da möhlət hüququ verilsə və təhsilini bitirdikdən sonra onlar üçün də əsgərlik  1 il olsa, problemin müəyyən bir faizi həll edil olar”, - deyə o bildirib.

Xatırladaq ki, ali məktəblərə qəbul olunan tələvbələrdən fərqli olaraq, kollecdə oxuyan gənclərə hərbi xidmətdən möhlət hüququ verilmir. Onlar təhsil aldıqları müddətdə 18 yaşı tamam olarsa, əsgər aparılır. Bəzi ekspertlərin fikrincə, bu, həmin gənclərin təhsil almaq istəyinə mənfi təsir göstərir.