2025-ci ildə orta ixtisas təhsili müəssisələrinə qəbul zamanı müxtəlif kolleclərdə ixtisaslar üzrə formalaşan keçid balları açıqlanıb.
AzEdu.az-ın DİM-in nəşr etdiyi "Abituriyent" jurnalının 9-cu sayında əldə etdiyi məlumata əsasən bir sıra kolleclərdə ən aşağı keçid balları 40 bal təşkil edib. Bu göstərici əsasən incəsənət istiqamətli ixtisaslarda-instrumental ifaçılıq, rəngkarlıq və vokal sənətində qeydə alınıb.
Ən aşağı keçid balı olan ixtisaslar və kolleclər aşağıdakılardır:
Mingəçevir Tibb Kolleci
Kollecdə ən aşağı keçid balı Laboratoriya diaqnostikası ixtisası üzrə qeydə alınıb- 130.1. Digər ixtisaslarda isə keçid balları daha yüksək olub. Əczaçılıq üzrə ən aşağı göstərici 130.5, mamalıq işi üzrə 131.6, tibb bacısı (qardaşı) işi üzrə isə 133.5 təşkil edib.
Mingəçevir Turizm Kolleci
Kollecdə ən aşağı keçid balı İaşə müəssisələrinin servisi ixtisasında olub - 84.1. Bununla yanaşı, aqroturizm üzrə ən aşağı göstərici 85.7, mehmanxana təsərrüfatının təşkili və idarə edilməsi üzrə 88.1, muzey işi və abidələrin qorunması üzrə 88.8, rekreasiya, idman və sağlamlıq turizmi üzrə isə 88.8 olub.
Şəki Tibb Kolleci
Şəki Tibb Kollecində ən aşağı keçid balı Tibb bacısı (qardaşı) işi ixtisasında qeydə alınıb- 128.7.
Mamalıq işi üzrə isə ən aşağı keçid balı 132.5 olub.
Şəki Dövlət Regional Kolleci
Kollecdə ən aşağı keçid balı 40 olub. Bu göstərici İnstrumental ifaçılıq və Rəngkarlıq ixtisasları üzrə qeydə alınıb. Digər ixtisaslar arasında da nisbətən aşağı nəticələr var. Belə ki, ipəkçilik üzrə ən aşağı keçid balı 66.8, meşə və park üzrə 69.9, mühafizə xidməti üzrə 83.7, ailə və ev təhsili üzrə 84.5, nəqliyyatın logistikası üzrə isə 87.6 olub.
Zaqatala Dövlət İdarəetmə və Texnologiya Kolleci
Kollecdə ən aşağı keçid balı Baytarlıq ixtisası üzrə olub- 75.1. Nəqliyyat vasitələrinin texniki istismarı ixtisasında isə ən aşağı keçid balı 88.9 təşkil edib.
Şuşa Humanitar Kolleci
Şuşa Humanitar Kollecində ən aşağı keçid balı Vokal sənəti ixtisasında qeydə alınıb- 40. İnstrumental ifaçılıq üzrə ən aşağı göstərici 40, aşıq sənəti üzrə isə 72.4 olub. Ümumi ixtisaslar arasında sosial iş üzrə ən aşağı keçid balı 103.7, ailə və ev təhsili üzrə 100.1, kitabxana işi üzrə isə 100.9 təşkil edib.
Ağdam Dövlət Sosial-İqtisadi Kolleci
Kollecdə ən aşağı keçid balı Baytarlıq ixtisasında olub – 76.6. Aqronomluq üzrə ən aşağı göstərici 77, fiziki tərbiyə müəllimliyi üzrə 77.7, poçt rabitəsi üzrə 81.4, elektrik təchizatı üzrə isə 82.5 olub.
Ağdam Musiqi Kolleci
Ağdam Musiqi Kollecində ən aşağı keçid balı İnstrumental ifaçılıq ixtisasında qeydə alınıb - 40. Aşıq sənəti üzrə keçid balı isə 48.9 olub.
Azərbaycan Dövlət İqtisad Universitetinin nəzdində Azərbaycan Maliyyə-İqtisad Kolleci
Kollecdə ən aşağı keçid balı Sosial iş (qiyabi) ixtisasında qeydə alınıb - 122.9.
Sosial işin əyani forması üzrə keçid balı 126.2, vergi işinin qiyabi forması üzrə 125.5, mühasibat uçotunun qiyabi forması üzrə 131.2 olub. Əyani təhsil üzrə ən yüksək keçid ballarından biri isə maliyyə işi ixtisasında qeydə alınıb-178.3.
Bakı Dövlət Universitetinin nəzdində İqtisadiyyat və Humanitar Kolleci
Kollecdə ən aşağı keçid balı Ailə və ev təhsili ixtisasında olub- 103.3. Ətraf mühitin mühafizəsi və bərpası ixtisasında ən aşağı göstərici 109.3, turizm işinin təşkili üzrə 114.7, kitabxana işi üzrə 118, bank işinin qiyabi forması üzrə isə 123.5 təşkil edib.
Azərbaycan Dövlət İqtisad Universitetinin nəzdində Qida Sənayesi Kolleci
Kollecdə ən aşağı keçid balı Şərabçılıq və qıcqırtma istehsalatının texnologiyası ixtisasında qeydə alınıb- 94.9.Mehmanxana təsərrüfatının təşkili və idarə edilməsi üzrə ən aşağı keçid balı 99.9, ət və ət məhsullarının texnologiyası üzrə 102.8, iaşə müəssisələrinin servisi üzrə 102.9, ətraf mühitin mühafizəsi və bərpası üzrə isə 102.4 olub.
Kollecdə daha yüksək keçid balları da formalaşıb. Belə ki, marketinq ixtisasında 151.7, qida məhsullarının təhlükəsizliyi ixtisasında 140.4, turizm işinin təşkili ixtisasında isə 142.6 bal qeydə alınıb.
Azərbaycan Dövlət İqtisad Universitetinin nəzdində Sosial-İqtisadi Kollec
Kollecdə ən aşağı keçid balı Sosial iş (qiyabi) ixtisasında olub- 120.5. Kargüzarlıq və arxiv işinin əyani forması üzrə ən aşağı keçid balı 109.8, kargüzarlıq və arxiv işinin qiyabi forması üzrə 119.1, mühasibat uçotunun qiyabi forması üzrə 124.9 olub. Kollecdə ən yüksək keçid ballarından biri kompüter sistemlərində proqram təminatı ixtisasında qeydə alınıb- 177.8.
Azərbaycan Dövlət Neft və Sənaye Universitetinin nəzdində Sənaye və Texnologiya Kolleci
Təqdim olunan məlumatlarda bu kollecin üzrə göstərilən ixtisaslar arasında ən aşağı keçid balı Kargüzarlıq və arxiv işi ixtisasında olub- 129.1. Bələdiyyə işi üzrə keçid balı 153.3, marketinq (sənaye) üzrə 155.1, mühasibat uçotu üzrə 165.1, avtomatlaşdırılmış idarəetmə sistemlərinin istismarı üzrə 154.1, ətraf mühitin mühafizəsi və bərpası üzrə isə 136.8 təşkil edib.
Ümumilikdə təqdim olunan nəticələr göstərir ki, kolleclərdə ən aşağı keçid balları əsasən musiqi və incəsənət istiqamətli ixtisaslarda formalaşıb. Şəki Dövlət Regional Kolleci, Şuşa Humanitar Kolleci və Ağdam Musiqi Kollecində bəzi ixtisaslar üzrə keçid balı 40 olub.
Bunun əksinə olaraq, tibb kolleclərində keçid balları daha yüksək göstəricilərlə seçilib. Təqdim olunan kolleclər arasında ən yüksək minimum keçid balı Mingəçevir Tibb Kollecində 130.1, Şəki Tibb Kollecində isə 128.7 olub.
İqtisadiyyat və idarəetmə istiqamətli kolleclərdə də keçid balları əsasən 100 baldan yuxarı formalaşıb. Azərbaycan Maliyyə-İqtisad Kollecində minimum göstərici 122.9, Azərbaycan Dövlət İqtisad Universitetinin nəzdində Sosial-İqtisadi Kollecdə 120.5, Qida Sənayesi Kollecində isə 94.9 olub.
