“Müəllimlərin işə qəbulunun qiymətləndirmə çərçivəsində bu il edilmiş dəyişikliyə görə, ədəbiyyat müəllimləri proqramda olan əsərləri tam oxumalıdırlar”.

AzEdu.az xəbər verir ki, bunu Təhsil İnstitutunun Metodik Dəstək və Peşəkar İnkişaf Mərkəzinin direktoru Nəzakət Mehdiyeva deyib.

Onun sözlərinə görə, imtahanda elan olunmuş əsərlərin istənilən hissəsindən sual ola bilər:

“Buna görə, müəllimlərə tövsiyə olunur ki, əsərləri tam oxusunlar”.

O deyib ki, ədəbiyyat fənni üzrə çərçivədən iki əsər çıxarılıb, bir yeni əsər daxil edilib.