Azedu.az

Daşkənd Dövlət Nəqliyyat Universitetinin rektoru AzTU-da olub

12 Avqust 2022, 17:03
Daşkənd Dövlət Nəqliyyat Universitetinin rektoru AzTU-da olub

Daşkənd Dövlət Nəqliyyat Universitetinin rektoru Odil Abdurahmanov Azərbaycan Texniki Universitetinə (AzTU) səfər edib.

 

AzEdu.az xəbər verir ki, səfər çərçivəsində qonaq AzTU-nun rektoru Vilayət Vəliyevlə görüşüb. Görüşdə rektorlar rəhbərlik etdikləri universitetlərdə görülən işlər haqqında ətraflı məlumat veriblər. Söhbət zamanı AzTU ilə Daşkənd Dövlət Nəqliyyat Universiteti arasında müvafiq sahələr üzrə əməkdaşlıq istiqamətləri müəyyənləşib.

 

Qeyd olunub ki, hər iki universitet logistika və nəqliyyat problemləri üzrə birgə tədqiqat mərkəzinin yaradılması, Azərbaycan və Özbəkistan şəhərləri üçün mobillik planlarının hazırlanması, elektrik avtomobilinin prototipinin birgə hazırlanması ilə bağlı əməkdaşlıq edə bilər. Bu layihələrin həyata keçirilməsində AzTU-nun Logistika və Nəqliyyat İnstitutu və Nəqliyyat və logistika fakültəsi ilə Daşkənd Dövlət Nəqliyyat Universitetinin Avtomobil mühəndisliyi və İntellektual nəqliyyat sistemləri mühəndisliyi kafedralarının birgə fəaliyyət göstərəcəyi də diqqətə çatdırılıb.

 

Görüşdən sonra qonaq AzTU-da görülən işlərlə yaxından tanış olub.

ŞOK AÇIQLAMA: Azərbaycanda Pezeşkiana təhlükə var idi?
Son xəbərlərDaha çox