Mayın 21-də Dövlət İmtahan Mərkəzi III ixtisas qrupu üzrə ali təhsil müəssisələrinə qəbul imtahanı keçirir.
Mərkəzdən AzEdu.az-a bildirilib ki, imtahan Bakı, Naxçıvan, Gəncə, Şəmkir, Ağstafa, Sumqayıt, Mingəçevir, Şəki, Bərdə, Göyçay, Kürdəmir, Şirvan, Sabirabad, Salyan, Lənkəran, Masallı və Xaçmazda təşkil olunur.
İmtahanda 21 min 521 abituriyentin iştirakı nəzərdə tutulur. Ən yaşlı abituriyent 1961-ci ildən, ən gənci isə 2007-ci ildəndir.
