Azərbaycan Dövlət İqtisad Universiteti (UNEC) Tələbə Həmkarlar İttifaqı Komitəsi və UNEC Şahmat klubunun təşkilatçılığı ilə 8 Noyabr Zəfər Günü münasibətilə keçirilən tələbələrarası “Zəfər” şahmat turniri başa çatıb.
AzEdu.az xəbər verir ki, yarışmada 64 tələbə iştirak edib. Turnirin qalibləri müəyyənləşib. Birinci yerə Maliyyə və mühasibat fakültəsinin I kurs tələbəsi Mətin Mürsəlli, ikinci yerə Beynəlxalq İqtisadiyyat Məktəbinin I kurs tələbəsi Üzeyir Bədirli, üçüncü yerə isə Mühəndislik fakültəsinin II kurs tələbəsi Nurlan Lətifov layiq görülüb.
Qaliblər fəxri fərman və xüsusi hədiyyələrlə mükafatlandırılıb.
