“Yaxın  günlərdə  Nazirlər  Kabinetinin  tədrisin  təşkilinə  dair  qaydalar  sistemi ilə  bağlı  qərarı  açıqlanacaq”

Bunu  AzEdu.az-a  açıqlamasında, Təhsil  Nazirliyinin  İctimaiyyətlə  əlaqələr sektorunun  müdiri  Cəsarət  Valehov deyib.

Sektor  müdiri  Təhsil  nazirinin  rektorla  görüşündə  müzakirə  olunan  vacib  məqamlara diqqət çəkib:

“Bildiyimiz  kimi  artıq  yeni  tədris  ilinin  əyani  formada  təşkilinə  start  verilir.Ali  və  orta  ixtisas  təhsili  müəssisələrində  tədrisin  təşkili  ilə  bağlı  kifayət  qədər  müzakirə  ediləcək  məqamlar  var. Bununla  bağlı  Təhsil  naziri  ötən  həftə  ali  təhsil  müəssisələrinin  rəhbərləri  ilə görüşdü .Bu  görüşdə  pandemiya  şəraitində  tədrisin  təşkili, auditoriyada  necə  aparılması, sıxılığın  idarə  olunması, təhlükəsizlik  məsələləri, COVİD-19  pasportu  alan  tələbə  və  müəllimlərin  rejimə  öyrəşməsi  kimi  mövzular  müzakirə  olundu. Eyni  zamanda  ali  təhsil  müəssisələrində  neçə  faiz  tələbə  və  müəllimlərin  vaksinasiyada  iştirak edib COVİD-19  pasportu  alması  öyrənildi. Müxtəlif  ali  təhsil  müəssisələrinin rəhbərləri  öz  fikirlərini  irəli  sürdülər, o  cümlədən  Təhsil  naziri  bu  fikirlərə  münasibət  bildirdi”

O bildirib  ki, bu  barədə Nazirlər  Kabinetinin yaxın  günlərdə  açıqlanacaq  qərarı  universitetlərə  göndəriləcək:

“Yaxın  günlərdə  Nazirlər  Kabinetinin  tədrisin  təşkilinə  dair  qaydalar  sistemi ilə  bağlı  qərarı  açıqlanacaq  və  ali  təhsil  müəssisələrinə  göndəriləcək. Bu  qərara  uyğun  olaraq  auditoriya  və  qeyri-auditoriya  şəraitində  həm  mühzirələrin  təşkil  forması, həm də sıxlığın  idarə  olunması, hibrid  təhsilin  tətbiqi, auditoriyalarda  dərs  zamanı  tələbə  sayı  kimi  mövzular  bütün  detalları  ilə  bu  qərarda  öz  əksini  tapacaq”

Ayşən Mustafa

Fatma Abdulla