Azedu.az
https://modern.az/ https://www.instagram.com/apak.az/
2020-02-07 10:13:00
“Yüksəliş” müsabiqəsi ilə bağlı statistik məlumatlar açıqlandı

"Yüksəliş" müsabiqəsinin qeydiyyat mərhələsindən keçən 11.760 nəfərdən 9.775-i müsabiqəyə qəbul edilib.

AzEdu.az xəbər verir ki, bunu müsabiqə ilə bağlı yaradılan İşçi qrupunun rəhbəri Fərhad Hacıyev deyib.

Onun sözlərinə görə, müsabiqəyə qəbul edilənlərin 2339 nəfəri qadın, 7436 nəfəri kişidir: "Onların 40 faizi 21-30 yaş (3910 nəfər), 46,95 faizi (4589 nəfər) 31-40 yaş, 13,05 faizi (1276) 41-51 yaş qruplarına daxildir. Müsabiqəyə 1999-cu il təvəllüdlü 28 nəfər, 1990-cı il təvəllüdlü 622, 1968-ci il təvəllüdlü 12 nəfər müraciət edib".

O qeyd edib ki, müsabiqəyə 1000 nəfər dövlət qulluqçusu qatılıb: "Müsabiqəyə ən çox Bakı-Abşeron (53,70%) və Aran (11,42 faiz) zonalarından, ən az isə Naxçıvan (1,80 %) qatılıblar".

Xatırladaq ki, sabah, fevralın 8-də "Yüksəliş" müsabiqənin növbəti - onlayn mərhələsinin ümumi biliklər üzrə ilk sınaq imtahanı keçiriləcək. Fevralın 16-da müsabiqənin Onlayn mərhələsinin Ümumi bilik üzrə əsas imtahanı təşkil ediləcək.