https://www.zirve.edu.az/
02.02.2020 11:51
Magistraturaya qəbul üçün sınaq imtahanı keçirilir

Bu gün Dövlət İmtahan Mərkəzi (DİM) tərəfindən ali təhsil müəssisələrinin və AMEA-nın magistraturalarına qəbul olmaq istəyənlər üçün sınaq imtahanı keçirilir.

AzEdu.az-ın məlumatına görə, imtahan bütün binalarda eyni vaxtda - saat 11:00-da başlayıb və 3 saat davam edəcək. İmtahan binasına buraxılış saat 10:45-də başa çatıb. İmtahan Bakı, Naxçıvan və Gəncə şəhərlərində, ümumilikdə 4 binada təşkil olunub. İmtahanda iştirak etmək üçün yazılış internet vasitəsilə aparılıb və 847 nəfər qeydiyyatdan keçib. İmtahanların idarə olunması üçün 4 imtahan rəhbəri, 72 zal nəzarətçisi və 6 buraxılış rejimi əməkdaşı ayrılıb.

İmtahanda bakalavrların xarici dil üzrə dinləyib-anlama bacarıqları da yoxlanılır. İmtahan dinləmə mətninin səsləndirilməsi ilə başlanılır.