https://www.zirve.edu.az/
01.02.2020 14:41
Məktəblilər maarifləndirilib

Şəki şəhər 1 nömrəli tam orta məktəbdə  təhsil şöbəsinin təşkilatçılığı və Şəki Rayon Polis Şöbəsinin təşəbbüsü ilə “Narkomaniyaya yox deyək və onun törətdiyi bəlalar”, “Dini radikalizmə qarşı mübarizə hər birimizin borcudur”, “Erkən nikah və onun fəsadları”, “Yol hərəkətinin təhlükəsizliyində piyadaların rolu” mövzularında tədbir keçirilib.

 

AzEdu.az xəbər verir ki, tədbirdə Dini Qurumlarla İş üzrə Dövlət Komitəsinin Şəki bölgəsi üzrə müdiri vəzifəsini icra edən Taleh Abdullayev, Şəki Rayon Polis Şöbəsinin əməkdaşları, məktəbin direktoru Tahirə Cabbarova, müəllimlər və  yuxarı sinif şagirdləri iştirak ediblər.

 

Qeyd olunan mövzular ətrafında  çıxışlar edilib, zəruri  məlumatlar verilib və məktəbliləri maraqlandıran suallar cavablandırılıb.

 

Sonda məktəbin direktoru Tahirə Cabbarova bu cür maarifləndirici tədbirlərin böyük əhəmiyyət kəsb etdiyini qeyd edərək,  hüquq-mühafizə orqanlarının əməkdaşlarına öz minnətdarlığını bildirib.