Sumqayıt şəhərində ötən axşam yanğın hadisəsi qeydə alınıb. Hadisə şəhərin 17-ci mikrorayonunda yerləşən 5 saylı uşaq bağçasının ərazisində baş verib.
AzEdu.az xəbər verir ki, yanğın bağça ərazisində yerləşən, əvvəllər məcburi köçkünlərin məskunlaşdığı və hazırda istifadəyə yararsız olan binada başlayıb. Əraziyə yanğınsöndürən texnika və canlı qüvvə cəlb olunub.
Sumqayıt Şəhər Yanğından Mühafizə İdarəsindən bildirilib ki, yanğın söndürülüb və digər ərazilərə keçməsinin qarşısı alınıb.
