AMEA İnformasiya Texnologiyaları İnstitutunda informasiya təhlükəsizliyi problemləri, xüsusən yeni istiqamət olan internet-kriminalistika və kiber-fiziki sistemlərin təhlükəsizliyi problemləri istiqamətində araşdırmalar aparılır.
İnstitutdan AzEdu.az-a verilən məlumata görə, informasiya təhlükəsizliyinin təmin olunması problemləri istiqamətində “E-dövlətin informasiya təhlükəsizliyinin idarə edilməsi metodları və modellərinin işlənməsi” mövzusunda araşdırmalar aparılıb, sosial şəbəkə məlumatlarının analizi metodu işlənilib, kompüter şəbəkələrinin monitorinqi üçün vizuallaşdırma modeli və qərar qəbulunu dəstəkləyən intellektual sistem yaradılıb.
