https://www.zirve.edu.az/
02.05.2018 15:43
Paytaxt məktəbində qeyri-adi sərgi – İstifadəsiz məişət əşyalarından düzəldilən əl işləri -FOTOLAR  
 
 
Bu gün, ümummilli lider Heydər Əliyevin 95 illik yubileyi münasibətilə Xalid Quliyev adına 62 nömrəli məktəb-liseydə tədbir keçirilib.
 
 
AzEDU.az xəbər verir ki, tədbiri, giriş mətni ilə açan məktəb-liseyin direktoru Mətanət Cabbarova qeyd edib ki, bu cür tədbirlər təşkil etmək hər birimizin borcudur:
 
“Bizim ümummilli lider Heydər Əliyevə olan ehtiram və sevgimizi bildirməyimizin bir yolu da bunu gənc nəsil arasında təbliğ etməkdir. Bu gün məktəb kollektivi ilə vitse-prezident Mehriban xanım Əliyevanın “Hərəyə bir ağac əkək” və Heydər Əliyev Fondunun prezidenti Leyla Əliyevanın ekologiya ilə bağlı gördüyü işlərdən ilhamlanaraq, belə bir tədbir həyata keçirdik”.
 
Tədbirdə məktəb şagirdlərinin istifadəsiz məişət əşyalarından hazırlanan əl işlərinin sərgisi keçirilib. Sərgini təşkil etməkdə məqsəd Heydər Əliyev irsini davam etdirərək ekologiyanın qorunmasına və inkişafına öz töhfələrini verməkdir.
 
Tədbir iştirakçısı, Ağsaqqallar Şurasının sədri Fəttah Heydərov mərasim iştirakçılarını salamlayıb və şagirdlərin yaradıcılıq işləri tanış olarkən necə fərəhləndiyindən danışıb. O, şagirdlərin erkən yaşlardan bu qədər yaradıcı və müasir olduqlarını, hələ erkən yaşlarından dövlətimiz üçün gözəl işlər gördüklərini təqdirəlayiq hesab edir.
 
Tədbirdə Nizami Rayon icra başçısı Arif Qasımov, Ağsaqqallar Şurasının sədri, millət vəkili Fəttah Heydərov, Bakı Şəhər Təhsil İdarəsinin rəhbəri Məhəbbət Vəliyeva, Azərbaycan Dövlət Neft və Sənaye Universitetinin rektoru Mustafa Babanlı, Nizami rayonu üzrə ümumtəhsil məktəblərinin direktorları, deputatlar, sayt redaktorları və başqaları iştirak edib.