Türkiyənin Edirnə şəhərinin İpsala rayonunda yaşayan 62 yaşlı Cemile Liman illərdir arzuladığı ali təhsilini uğurla başa vurub.
AzEdu.az Türkiyə mediasına istinadən xəbər verir ki, Trakya Universiteti İpsala Peşə Yüksək Məktəbinin Elektronika və Avtomatika Bölməsini bitirən Liman, təhsil müddətində gənc tələbələrlə birlikdə dərslərdə iştirak edib, imtahanlara girib və bütün mərhələləri uğurla tamamlayıb.
Yaşının irəliləməsinə baxmayaraq təhsil arzusundan imtina etməyən Liman, əzmi və qətiyyəti ilə həm tələbə yoldaşlarının, həm də müəllimlərin rəğbətini qazanıb.
Məzuniyyət mərasimində diplomunu alan 62 yaşlı məzun, ailəsi və yaxınlarının qürur mənbəyinə çevrilib. Onun hekayəsi tədbirdə iştirak edənlər tərəfindən böyük maraq və alqışla qarşılanıb.
