Trabzon Sosial Elmlər Liseyində səkkiz ildir ki, zəng çalınmır.

AzEDU.az saytı Türkiyə mətbuatına istinadən xəbər verir ki, bu addımı atmaqda liseyin əsas məqsədi şagirdlərdə məsuliyyət yaratmaq və zamanı idarəetmə bacarıqlarını imkişaf etdirməkdir.

Burada şagirdlər siniflər və dəhlizə asılmış dərs cədvəllərinə əsasən hərəkət edirlər.

Türkiyə universitetlərində dərsin başlanğıcı və sonunda zəng səslənmədiyinə görə bu üsul şagirdərin universitet həyatına erkən adaptasiya olmasına şərait yaradır. Belə olduqda uşaqlar həm  də zamanı düzgün bölüşdürməyi öyrənir, özgüvənləri artır. Şagirdlər heç bir təzyiq hiss etmədən daha sərbəst olurlar və diqqətləri dərsə yönəlir.

Lamiyə Süleymanlı