Alyaskada balıq tutarkən qayığın aşması nəticəsində qardaşını və əmisi oğlunu itirən 15 yaşlı yeniyetmə iki gün ərzində çevrilmiş qayığın üzərində sağ qalaraq xilas edilib.
AzEdu.az xarici mediaya istinadən xəbər verir ki, hadisə Sent-Lorens adası sahillərində baş verib.
Ailəsinin oğlanın itkin düşməsi barədə məlumat verməsindən sonra Sahil Mühafizəsi axtarışlara başlayıb.
Axtarış təyyarələri yeniyetmənin yerini müəyyən etdikdən sonra ərazidən keçən balıqçı gəmisi onu kəndir və səbət vasitəsilə göyərtəyə götürüb.
Hipotermiya əlamətləri göstərən uşağa gəmi heyəti tərəfindən ilkin tibbi yardım göstərilib. O, yorğan və isidici paketlərlə isidilib.
Hadisə zamanı yeniyetmənin qardaşı və əmisi oğlu həyatını itirib. Onların cəsədlərinin də tapıldığı bildirilib.
