![](https://azedu.az/uploads/news/2019/02/azedu.az_w_1615493890853289152591_1000x669_637.jpg)
Rusiya İnformasiya və Mədəniyyət Mərkəzində Bakı Dövlət Universiteti, Jurnalistika fakültəsinin dosenti Zaur Babayev və jurnalist Fərhad Nuriyevin “Rusiya xarici jurnalistlərin gözü ilə” kitabının təqdimatı olub.
AzEdu.az xəbər verir ki, “Rossotrudniçestvo” Agentliyinin Azərbaycandakı nümayəndəliyinin rəhbəri Valentin Denisov müəllifləri təqdim edib. O bildirib ki, kitabda SSRİ dağılandan sonra Rusiya Federasiyası ilə Azərbaycan Respublikası arasındakı siyasi-hüquqi, ticari-iqtisadi, mədəni və humanitar münasibətlərin inkişafı və müasir vəziyyəti kompleks tədqiq edilib.
Tanınmış Azərbaycan jurnalisti, Bakı Dövlət Universitetinin jurnalistika fakültəsinin dosenti, müasir jurnalistikanın nəzəriyyəsinə və təcrübəsinə dair 30-dan çox kitabın və elmi monoqrafiyanın müəllifi Zaur Babayev və beynəlxalq münasibətlərdən yazan Fərhad Nuriyev kitab üzərindəki işdən danışıblar. Onlar bildiriblər ki, Rusiya Federasiyası ilə Azərbaycan Respublikası arasında diplomatik münasibətlərin qurulmasının 25 illiyinə həsr olunan bu nəşrdə sözügedən dövrdə ölkələrimiz arasındakı əlaqələrin təhlili verilib. Müəlliflər tədbirin təşkilatçılarına və iştirakçılarına təşəkkür ediblər.
Rusiya Federasiyasının Azərbaycandakı səfiri Mixail Boçarnikov, Miniatür Kitab Muzeyinin təsisçisi, Əməkdar mədəniyyət xadimi Zərifə Salahova, BDU-nun jurnalistika fakültəsinin professoru Cahangir Məmmədli və başqaları ali məktəblərdə beynəlxalq münasibətlərin öyrənilməsi üçün nəzərdə tutulan bu nəşrin əhəmiyyətindən danışıblar.
Qeyd edək ki, “Tural-Nəşr” nəşriyyatında çapdan çıxan kitabın elmi redaktoru, filologiya üzrə elmlər doktoru, BDU-nun beynəlxalq jurnalistika kafedrasının professoru Nəsir Əhmədlidir.
kitabı
![Bu il müsahibə mərhələsi yeni qaydalarla həyata keçiriləcək Bu il müsahibə mərhələsi yeni qaydalarla həyata keçiriləcək](https://azedu.az/uploads/news/2024/07/azedu.az_Ekran_goeruntusu_2024-07-19_113921_631.png)
![MİQ imtahanlarının vakansiya seçimində onlara güzəşt olunacaq MİQ imtahanlarının vakansiya seçimində onlara güzəşt olunacaq](https://azedu.az/uploads/news/2024/07/azedu.az_1721642356_1720415859_1720241435_1719386088_1689050098_azedu.az_imtahan_699_164.jpg)
![MİQ-ə yaxşı hazırlaşmayan müəllimlər prosesdən şikayətçidirlər MİQ-ə yaxşı hazırlaşmayan müəllimlər prosesdən şikayətçidirlər](https://azedu.az/uploads/news/2024/07/azedu.az_Yeni_Proje_(2)_529.jpg)
![](https://azedu.az/uploads/news/2024/07/azedu.az_17213778413134733106_1200x630_560.jpg)
![700 balı o TOPLADI 700 balı o TOPLADI](https://azedu.az/uploads/news/2024/07/azedu.az_1721402644_1718172932_azedu.az_whatsapp_image_2024-06-12_at_09.57.55_983_266.jpeg)
![Vunderkind: 700 bal toplayacağıma inanırdım Vunderkind: 700 bal toplayacağıma inanırdım](https://azedu.az/uploads/news/2024/07/azedu.az_IMG-20240719-WA0108_196.jpg)
![Masallıda 94 məzun fərqlənmə attestatı alıb Masallıda 94 məzun fərqlənmə attestatı alıb](https://azedu.az/uploads/news/2024/07/azedu.az_cc54c206c6de4a35b9df65213b798d8718720242017388_635.jpg)
![Peşə təhsili müəssisələrində işə qəbul müsabiqəsinə başlanılır Peşə təhsili müəssisələrində işə qəbul müsabiqəsinə başlanılır](https://azedu.az/uploads/news/2024/07/azedu.az_azedu.az_1690528156_06-01.08.22-01_286_732.jpg)