Saturnun peyki Enselad və Yupiterin peyki Avropa Günəş sistemində həyatın mövcud ola biləcəyi yeni potensial məkanlara çevrilə bilər.
AzEdu.az xəbər verir ki, bu barədə rusiyalı astronom Sergey Nazarov "RIA Novosti"yə verdiyi müsahibəsində bildirib.
Nazarovun sözlərinə görə, hər iki səma cismi əhəmiyyətli su ehtiyatlarına malikdir. Bu ehtiyatlar çoxkilometrli buz qatının altında gizlənib. Bundan əlavə, həmin peyklərdə canlı orqanizmlərin formalaşması üçün zəruri olan əsas kimyəvi elementlər də aşkar edilib.
