XƏBƏRLƏR

16.07.2019 15:25
Bu il ötənilki keçid balları dərc olunmayacaq - SƏBƏB

 

Abituriyentlər ixtisas seçimi edərkən diqqətli olmalı, ötən illərdə formalaşmış keçid ballarına istinad etməməlidirlər.

Bu barədə Dövlət İmtahan Mərkəzindən AzEdu.az-a bildiriblər.

Məlumatda qeyd olunur ki, hər il “Abituriyent” jurnalının xüsusi buraxılışında kolleclərin ixtisasları üzrə formalaşmış keçid balları dərc edilib.

Lakin bu il qəbul imtahanı qaydaları və qiymətləndirmə şkalası (300 bal) əvvəlki illərdən fərqli olduğu üçün ayrıca keçid balları jurnalının dərc olunması nəzərdə tutulmur. Abituriyentlər ixtisas seçərkən diqqətli olmalı, ötən illərdə formalaşmış keçid ballarına istinad etməməlidirlər.

Abituriyentlərin bilikləri bu il 300 ballıq şkala ilə qiymətləndirilir. Hər hansı bir ixtisas üzrə ötənilki keçid balı bu il ixtisas seçimi zamanı istiqamət götürməkdə oriyentir rolunu oynamır və abituriyentər bunu nəzərə almalıdırlar.

Nəzrin Rüstəmova Müəllifin digər yazıları

İlin gənc müəllimi-Müraciət formu