https://www.zirve.edu.az/
30.03.2018 06:20
Universitetlər arasında kitab yarışı - 1595 tələbə qatılacaq

Türkiyədə universitetlər arasında kitab oxumaq müsabiqəsi keçiriləcək.

AzEDU xarici KİV-ə istinadən xəbər verir ki, layihənin məqsədi tələbələrdə kitab oxumaq alışqanlığını artırmaqdır. Bu zaman tələbələr verilmiş üç kitabdan birini oxuyaraq rəqibləri ilə yarışacaqlar.

Kocaeli  yataqxanalarında yaşayan tələbələrin intellektlərinin zənginləşdirilməsi məqsədilə reallaşdırılan “Oxuduqca gözəlləşən dünya” layihəsi üçün 1595 tələbə qeydiyyatdan keçib.

Bu önəmli layihənin təşkilatçısı Nedim Aslan bildirib ki, universitet yataqxanalarında kitaboxuma qrupları yaradılıb: “Bu il iki layihəyə başladıq. Məqsədimiz kitab ilə insan arasındakı məsafəni qısaltmaqdır. Gənclər oxuyaraq özlərini inkişaf etdirəcəklər”.

Lamiyə Süleymanlı